GROUP 4

Dexter & Vanessa

Ronielyn & Wilfred

Mariella & Jerui

              Jasper

1. Maguindanao Massacre

Ni: Mariella Joy Gonzales

 "Maguindanao massacre" o kilala rin sa tawag na "Ampatuan Massacre" ay isa sa mga pinakamarahas at kagimbal gimbal na pangyayari sa ating bansa na naganap noong ika-23 ng Nobyembre 2009 sa Ampatuan, Maguindanao sa pulo ng Mindanao na humigit-kumulang 58 ang bilang ng mga namatay sa naturang insidente. Ang Maguindanao Massacre ay may kaugnayan sa halalan noong 2010.

     Makapangyarihan ang pamilya Mangundadatu at pamilya Ampatuan sa Maguindanao. Ang pamilya Ampatuan ang kasalukuyang naghahari sa lalawigan at kinikilalang salarin sa pangyayaring ito. Ang pamilya Mangundadatu naman, ang biktima at ang dapat ay magpapasa na ng kanilang papeles sa pagkandidato kasama ang kanilang mga tagasuporta, mamamahayag at kanilang abugado, ang kalaban ng pamilya Ampatuan. Ang 58 biktima ng massacre ay dinakip at pinaslang. Sa pangyayari ng insidenteng ito maraming inosenteng tao ang naapektuhan. Ang mga mamamahayag at ilang tao ay humingi ng hustisya para sa kanilang kapwa mamamahayag at abugado.

       Bakit nga ba nila ito ginawa? Para patunayan na makapangyarihan sila? Para sa pera? Dahil sa impluwensya? Kahit saang angulo natin tingnan ang kasong ito, walang tama. Pinatunayan lang ng mga Ampatuan na duwag sila, takot silang matalo ng Mangundadatu sa halalan. Nakakalungkot lang na hindi sila lumaban sa eleksyon, ginamitan pa nila ng dahas at kabalbalan.Sa dulo, nabigyan naman ng hustisya ang mga apektado, dahil hinuli at kinasuhan ng pagnanakaw, pagdakip at pagpaslang si Andal Ampatuan, Jr. at ang 20 pang mga kasamahan nito. 

2. Vizconde Massacre

Ni: Ronielyn Custodio

Vizconde Massacre. Isa sa mga kilalang kasong pinag-uusapan hindi lamang sa Pilipinas kundi sa buong mundo noong dekada 90. Isang sensitibong isyu ang kasong ito na biktima ang pamilya Vizconde. Pinatay ng walang kalaban-laban ang mag-iina na sina Estrelita Vizconde at ang dalawang anak nito na si Carmela at Jennifer. Naganap ang krimen sa mismong bahay nila sa BF Homes Paranaque habang ang haligi ng tahanan na si Lauro Vizconde ay wala sa bansa noong panahong iyon. Masakit para kay Lauro Vizconde ang sinapit ng kanyang mag-iina.

Lumitaw sa imbestigasyon na ang pangunahing suspek ay sina Hubert Webb at ang mga kasama nito. Si Jessica Alfaro ang star witness na nagsuplong kila Webb at isinalaysay niya sa korte kung paano pinatay ang mag-iinang Vizconde. Ipinagtanggol naman ni Hubert Webb ang sarili sa pamamagitan ng pagpapakita ng video na siya ay nasa Amerika nang maganap ang krimen. Hindi ito pinanigan ng korte, bagkus ay nakulong at nahatulan ng reclusion perpetua si Hubert Webb at iba pang akusado. Nakamit na ang hustisyang pinakaaasam-asam ni Lauro Vizconde para sa kanyang mag-iina pero hindi niya akalaing kukunin din pala ito.

3. Hacienda Luisita Massacre

Ni: Jerui May Santos

Isa sa mga pinaka-madugong pamamaslang na nangyari noong panahon ng Pangulong Corazon Aquino ay ang Hacienda Luisita massacre. Dahil sa kagustuhan ng mga Cojuangco na mapaalis ang mga man-gagawa ng Hacienda, nangyari nga ang isa sa mga madudugong krimen sa kasaysayan ng Pilipinas.

Nag-ugat ang nangyaring pamamaslang sa alitan ng partido ng mga mag-gagawa ng Hacienda at ng pamilya Cojuangco. Ang reporma sa lupa ang siyang puno't dulo ng mga alitan ng dalawang partido. Hindi tinupad ng mga Cojuangco ang hiling ng mga magsasaka na gawin ang naturang reporma sa lupa. Nagsimula nang magplano ng isang pag-aaklas ang mga manggagawa noong panahong iyon.

Sa panahon ng pag-aaklas, walang awang pinagbabaril ng ilang pwersa ng gobyerno ang mga mangagawang nag-aklas. Tinatayang pitong katao ang namatay sa pamamaril at maraming tao ang nasugatan. Sa ngayon ay natupad na ang reporma sa lupa at nagkaroon na ng hustisya ang nagyaring pamamaslang.

4. Mendiola Massacre

Ni Wilfred Dela Cruz

Noong January 22,1987, ang mga magsasaka ay nagdesisyong magtungo sa Malacanang Palace sa kagustuhang maiparating ang kanilang hinaing sa halip na makipag-makipag negosasyon kay Heherson Alvarez. Mula Quezon city Memorial Circle nagmartsa ang mga magsasaka kasama ang ibang pang militanteng grupo gaya ng Kilusang Mayo Uno, Bagong Alyansang Makabayan, League of Filipino Students at Kongreso ng Pagkakaisa ng Maralitang Lungsod . Sa ganap na 1:00 ng hapon nang marating ng mga Militanteng grupo ang Liwasang Bonifacio nang mga oras na yon ay nagtalaga nan g mga Anti riot Personel sa ilalim ng pamumuno ni commander Gen. Ramon Montano, Task Force Nasarenomula sa pamumuno ni  Col. Cesar Nazareno at Police Force sa ilalim ng pamumuno ni Gen. Alfredo Lim. Karagdagan din dito mga Marine Civil Disturbance  Control Batalion, dala ang mga Marines army trucks, water cannons, fire trucks at dalawang Mobile Dispersal Teams dala ang tear gas delivery gear.

Ang bilang ng mga Militanteng grupo ay umaabot  ng 10,000 hanggang  15,000 nang mga oras na narating nila ang Claro M Recto Avenue sila ay silalubong ng mga pulis nagkaroon ng girian at tulakan sa pagitan ng mga militante at mga pulis, sa kadahilanang napakaraming bilang ng mga militante nasira nito ang barikada ng mga pulis, hanggang sa umalingawngaw na ang mga putok ng baril at mabilis na umatras ang mga militante hanggang sa patuloy parin ang malalakas na putok ang umalingawngaw na nagpaatras na sa mga militante tumungo sa Malacanang. Labing dalawa agad ang kumpirmadong patay sa nangyaring pamamaril. Tatlomput siyam ang sugatan dahilan din ng pamamaril at labing dalawa ang nagtamo ng mababaw na sugat. Si Presidente Corazon Aquino ay nagtalaga ng masusing imbestigasyon  sa pangyayaring ito sa pangunguna ni Vicente Abad Santos at itinuturo ng prosekusyon na ang lahat ng Western Police District at ang Integrated National Police Field Force ang mga armado nung mga panahon na nangyayari ang protesta. Nagmarka ng malaki ang massacre na ito sa kasaysayan ng Pilipinas.

5. Escalante Massacre

Ni: Dexter Perez

Noong ika-13 anibersaryo ng Martial Law, Setyembre 24,1985, nagkaroon ng pagtitipon sa Escalante Public Plaza and Market sa Escalante City, Negros Occidental. Libu-libong mga tao ang sinasabing dumalo sa pagtitipon. Kabilang diyan ang mga mag-tutubo, magsasaka, mangingisda, mahihirap sa syudad, mga propesyunal at maging ilang estudyante. Maraming mga nakabantay na pulis at iba't-ibang mga di-kilalang may armas na sibilyan. Noong pagkatapos magsalita at nang makaalis ang mayor ng Escalante na si Mayor Braulio P. Lumayno kasama ang noo'y Congressman na si Rep. Armando Gustilo, nagsimula na ang isa sa pinaka madugong pamamaslang na nangyayari sa kasaysayan ng Pilipinas.


Tinatayang nasa humigit-kumulang tatlumpu ang namatay at 30 rin di-umano ang nasugatan sa insidente. Patuloy pa ring humihingi ng hustisya ang mga kaanak ng naging biktima ng massacre na ito.

6. Tacbil Mosque Massacre

Ni: Vanessa Rizza Mae Praira

Nangyari ang pamamaslang na ito noong panahon ng Dating Pangulong Ferdinand Marcos. Sinasabing ang mga muslim na kasali sa MNLF na kasalukuyang sumasamba noong araw na iyon ay pinaulanan ng bala ng Philippine Army 15th 1B Infantry Batallion noong Setyembre 24, 1974.

Isang malaking tala sa kasaysayan ng Pilipinas ang pangyayaring ito sapagkat tinatayang 1,776 na katao ang napaslang sa naturang insidente. Mayroon pa ngang iniwang marka ang insidenteng ito sa Moske ng Tacbil.